Aah ko chahiye ik umar asar hone tak
Kaun jeeta hai tere zulf ke sar hone tak
Daam har mauj mein hai halqa-e-sad-kaam-e-nahang
Dekhayein kya guzre hai qatre pe guhar hone tak
Aashiqi sabar talab aur tamanna betaab
Dil ka kya rang karun khoon-e-jigar hone tak
Hum ne maana ke taghaful na karoge lekin
Khaak ho jaayenge hum tumko khabar hone tak
Partav-e-khur se hai shabnam ko fanaa ki taaleem
Main bhi hun ik inaayat ki nazar hone tak
Yak nazar besh nahi fursat-e-hasti ghaafil
Garmi-e-bazm hai ik raqs-e-sharar hone tak
Gam-e-hastee ka Asad kis se ho juz marg ilaaz
Shamaa har rang mein jalti hai sehar hone tak
No comments:
Post a Comment